A College Time Love Story

A COLLEGE TIME LOVE STORY





AKSHAT CHAUHAN --- The bad boy
ANANYA --- The blonde beauty , very nice in her studies
SAMEER AGGARWAL --- The most talented boy of first year
SHRUTI SAXENA --- The girl who thinks that she is the most beautiful girl of the world
RAJAT MISHRA --- A very smart and handsome boy
PRIYA PATHAK --- The don of first year , friend of Ananya




{1} - RAGGING

AUGUST 04,2008
Ek bahut hi garam din . Savere ke dus baje hai . BIT mein aaj bahut chahel pahal chal rahi hai aur ho bhi kyun nahi aaj se college mein naya session jo shuru ho raha hai.
"Ragging is crime" ek ladka jo pehli bar college aaya hai college ke gate par lage poster ko padhta hai . "Akshat, apna saman lekar aao " Akshat ke papa piche se kahte hai . Uske baad ve dono college mein andar jate hai . Akshat 18 saal ka ladka hai ,uska chehra lamba hai ,gaura hai aur jo padhne ke bajay khel kud karne aur dusro ke sath mar pit karne mein jyada maahir hai .
Akshat aur uske papa office mein jakar hostle mein room ke bare mein pata karte hain . Akshat ke papa Mr. Ajay Chauhan Akshat ko ek paper dete hue kahate hai "ye lo is par tumhara room no. likha hai ". Phir ve usko samjhate hue kahate hai "dekho acche ladke bankar rehna ye college hai tumhara school nahi ,agar tumne maar- pitayi ki ya phir college ki taraf se tumhari koi shikayat aayi to ghar vapas bula lunga, theek hai ". Akshat apne papa ki kahi sare batoon ko ansuna kar deta hai aur paper ko shirt ki pocket mein rakhte hue dheere se kahata hai"Haan ji theek hai" . Phir uske papa ghar chale jate hain aur Akshat hostel ki taraf chal deta hai.
Akshat hostel ke gate ke samne akar ruk jata hai aur bade dhyan se hostel ki building ko dekhta hai aur mann mein sochta hai "are ye kahan jail mein dal diya " phir vo hostle mein chala jata hai. Akshat ke liye yahan rehna kisi jail se kum tha hi nahi kyunki uske gaon ki koi gali aisi nahi thi jisme vo na gaya ho ,koi bhi din aisa nahi hota tha jab uski kahi se shikayat na aati ho aur uski class mein to koi aisa ladka tha hi nahi jo usse ek bar pita na ho.
Akshat apne room par chala jata hai ,uske room ka gate khula hua tha ,phir vo room mein jata hai ,room mein pehle se hi ek ladka hai jo thoda savla hai or usne chasma bhi laga rakha hai ,vo ladka thodi der pehle hi aaya hai or ab room mein apna saaman laga raha hai. Akshat us ladke ki taraf koi dhyan nahi deta hai aur apna saman ek jagah rakhkar chup chap bed par let jata hai.
"Suno" Akshat ka room partner use uthate hue kehta hai
"Kya hai ?" Akshat dheere se puchta hai
"Sham ke 5 baje hai aur snacks ka time ho gaya hai. "
Phir ve dono mess mein chale jate hai . Mess mein jakar ve dono chai lete hai aur mess ke ek kone mein rakhi hui chairs per jakar baith jate hai .Ab Akshat chai ki ek ghunt bharta hai aur use lagta hai ki jaise vo seera pi raha ho , vo muh banate hue chai ke glass ko niche rakh deta hai ki tabh1i uska mobile bajne lagta hai voh phone uthata hai aur kehta hai "Mummy Namaste...."
"Namaste....... kaisa hai ?"Mummy ne pucha
"maje mein hun "
"khana to kha liya hoga dopaher mein "
"han "
"aur tera partner aa gaya ?"
"aa gaya "
"naam kya hai uska ?"
"pata nahi "
"are tujhe abhi tak uska naam nahi pata !"
"puchta hun abhi "
Akshat apne partner ki taraf dekhta hai aur puchta hai "Oye!....... tera naam kya hai ?"
"Sameer .........Sameer Aggarwal"
Akshat apne mummy ko uska naam bata deta hai aur kafi der tak bat karta rehta hai .

Ek nayi subah aur college ka dusra din . College mein ek raste se kuch ladke gujar rahe hai sabhi ke sabhi black and white combination mein aur ho bhi kyun nahi ye unke seniors dwara diya hua dress code jo hai . College mein ek jagah sidiyoun par do senior baithe hue hain .Ekdam duble patle jaise ki kitne hi dino se khana na khaya ho,lambai bhi bas dono ke 5 fut ke aas-pas hogi unme se ek ke bal kafi lambe hain aur dusra champu sa hai. First year ke ladke jab sidiyoun ke pass pahunchte hain to apne seniors ko dekhkar sabhi apni aankhein jhuka lete hain jaisa ke seniors dwara kaha gaya hai ki koi bhi first year ka student seniors se eye contact nahi karega ab vo dono un logo se kahte hai "ninty kaun marega ?" , ye sunte hi sare ladke ninty marne ke liye jhuk jate hai vaise aisa koi karna nahi chahata tha par aisa karna unki majburi thi .
Rajat Mishra ek bahut hi handsome aur smart ladka jo white shirt aur black paint pahne hue hai aur college mein jane ko tayyar hai ,Akshat ko aawaj deta hai college mein jane ke liye . Akshat se uski mulakat raat ke waqt hui thi khana khane ke samay . Akshat apne kamre se nikalta hai aur kamre ko lock karta hai uska room partner pehle hi college ja chuka hai . Rajat Akshat ko dekhte hi chonkta hai kyunki Akshat jeans aur t-shirt pahne hue hai jo seniors ne pahane ko mana kiya hai. Rajat ekdam hadbadata hua kehta hai " are tune ye kapde kyun pahan liye tujhe pata nahi seniors ne ye kapde pahanne ko mana kiya hai ".
"To kya hua " Akshat ekdam bephiker hokar kehta hai
" Are bhai vo tujhe pareshan kar denge teri jamke ragging lenge " Rajat pareshan hote hue kehta hai
" Aisa hai tu pareshan mat ho mujhe kuch nahi hone wala......vaise........ ye tere balon ko kya hua ." kyunki Rajat ke bal bahut chote ho gaye hai jabki kal jab Akshat usse mila tha tab uske bal lambe the .
Rajat hanste hue kahata hai "are yaar seniors ne katva diye "
Akshat uski baat par has deta hai aur dono apne college aa jaate hai .
Rajat aur Akshat college mein apni class dhund rahe hain samne se first year ki ladkiyan aa rahi hai sabhi suit salvar pahne hue , ballon mein tel lagaye hue , chunni ko three pin kiye hue , pairon mein bathroom slippers pahane hue, sabhi apne ballon ko acche se bandhe hue hai aur apna sar jhukaye hue hain. Sabhi ladkiyan bahut dari hui hain ki kahin koi senior na pakad le lekin ek ladki jo sabse aage chal rahe hai vo bilkul dari hue nahi hai . Us ladki ka naam Shruti saxena hai , usne apne baal bhi nahi baandhe hue hai , nahi usne baalon mein tel lagaya hai , nahi slippers pahne hue hain , nahi three pin kiye hue hain aur nahi uski aankhein jhuki hui hain. Shruti ek bahut hi attitude wali bahut smart ladki hain aur bahut pareshan hai ki kyun ab tak uski ragging nahi hui?
Shruti apni friend se kahti hai " are Pooja koi senior dikhayi kyun nahi de raha hai ?"
Pooja uski taraf ghoorte hue kehti hai " marvayegi kya ?"
Shruti apne ballon ko theek karte hue kehti hai " mujhe to ye dekhna hai ki seniors kitne smart hai , first year mein to koi ladka dekhne layak hai nahi aur vaise bhi mujhe to ragging dene mein bahut maja aata hai ."
Akshat aur Rajat apni class dhund rahe hai . Shruti Akshat aur Rajat ki taraf dekhti hai aur vo dekhte hi Akshat par flat ho jati hai. Akshat ki najar galti se Shruti par padti hai , Shruti turant apne ballon mein hath nikalti hai lekin Akshat uski taraf dhyan nahi deta aur ekdam apna chera dusri taraf kar leta hai. Shruti is baat par chid jati hai aur mann hi mann kahati hai pehla aisa ladka hai jisne mujhe dekhkar muh pher liya ho. Lekin Rajat bade dhyan se sab ladkiyon ko dekhta hai . Phir sabhi ladkiyan un dono se aage chali jati hai .
Akshat aur Rajat abhi apni class dhund rahe hai . Rajat bahut pareshan hai ki kahin seniors na pakad lein lekin Akshat ko koi tension nahi hai vo mast hokar college mein ghum raha hai aur college ki building ko nihar raha hai . Akshat apne hath mein ek register liye hue hai aur Rajat hand bag liye hue tha jise usne cross karke kandhe par dala tha . Abhi vo dono ghum hi rahe hai ki unhe samne se seniors aate hue dekhte hai , Rajat to seniors ko dekhte hi kaanp jata hai aur darte hue bolta hai " mar gaye......"
Ab seniors un dono ke pass aa jate hai dono dekhte hi unhe wish karne ke liye jukh jate hai . Ek senior Rajat se kehta hai " kyun be... apne aap ko Shaid Kapoor samaj rakha hai kya tune . Kal se bag cross karke mat dalna acche bacchon ki tarah bas kandhe par dal lena . Phir vo Akshat ki taraf dekhte hue kehta hai " apne ko hero samaj rakha hai kya tune dress code mein kyun nahi hai tu aur ye kya hai hath mein kyun liya hai register senior samaj raha hai apne aap ko kal se bag lekar aana . Akshat uski baat par dhyan nahi deta hai bas uski taraf ghoorta rehta hai ispar senior usse kehta hai "ghoor kyun raha hai marega kya mujhe ?"
Akshat uske saval ka koi javab nahi deta bas chup chap khada rehta hai. Rajat herani se Akshat ko dekhta rehta hai aur sochta hai ki kahin senior usse kuch keh na de. Tabhi ek dusra senior Akshat se uska naam puchta hai. Akshat bade attitude se kehta hai "Akshat Chauhan..."
" Chauhan....... accha ... tujhe pata hai is college mein ek Chauhan aur hain "
"Janta haun " Akshat akadte hue kehta hai
Is par ek senior kehta hai " janta hain to aise keh raha hai jaise tera koi rishtedar hai"
"Haan... Aakash Chauhan jo third year mein hai mere bade bhaiya hai "
"kya ? " sabhi seniors ek sat hairaan hote hue kehte hai . Phir unme se ek kehta hai " tu sach keh raha hai"
Akshat bade dheere se kehta hai " Yakein na ho to unhi se puch lo "
Seniors hastein hue kehte hain " Are hamei yakein hai"
Phir seniors kehte hain aacha ab tum dono jao mann lagakar padai karna . Uske bad Akshat aur Rajat vahan se chalein jate hain aur apni class dhundne lagte hain tabhi Akshat Rajat ke kandhe par hat marte hue kehta hai "dekh us room par IT likha hua hai chal ....... shayad class chal rahi hai. "
Class mein ek teacher padha rahein hai Akshat aur Rajat unse andar aane ke liye puchte hain . Teacher unhe aandar aane ke liye keh dete hai . Akshat aur Rajat class mein entry karte hain . Class mein 5 row mein desk lagi hui hai jisme second row mein ladkiyan baithe hui hain . Sabse aage Shruti Saxena aur Pooja baithein hue hai . Akshat kisi ladki ki taraf dhyan nahi deta aur ladkiyon ki row se aage nikal jata hai lekin Rajat bade dhayan sabhi ladkiyon ko dekhta hai aakhir mein uski najar Shruti par padti hai . Rajat Shruti ki taraf smile karta haii to Shruti bhi uski taraf smile karti hai. Pooja Shruti se hairan hote hue puchti hai "Kya tu us ladke ko janti hai?"
Shruti kehti hai "Nahi"
"To phir tune smile kyun ki ?"
"Kyunki usne ki "
"Ye to koi baat nahi hui "
"Dekh mujhe aacha lagta hai jab koi ladka mujhe dekhta hai "
Akshat aur Rajat class mein piche jakar baith jate hain. Thodi der baad teacher class se chale jate hai . Rajat Akshat se kehta hai " mein chahata haun meri college mein koi girlfriend ho "
Akshat uski baat par halki smile dete hue kehta hai " mujhe nahi banani "
"kyun?"
"kaun jhelega "
Rajat uski baat par hanste hue kehta hai" mein to ab tak 8 ko jhel chuka haun aur nauvi ko jhelni ki tayarri hai" phir vo Shruti ki taraf dekhte hue kehta hai " dekh vo rahi aasmani suit wali jo sabse aage baithe hai vo meri nayi girlfriend banage dekh lena "
Tabhi un dono ko joro se aavajein sunne lagti hain Rajat darkar kehta hain " are mar gaye... seniorsss!"
Thodi hi der baad bahut sare seniors class mein ghush jate hain. Jyadatar seniors ladkiyon ke pas jakar baith jate hain. Ek lamba aur patla sa senior jiska naam Surya Srivastav hai class mein entry karte hue kehta hai "kyun ninty kaun marega " . Phir vo sabhi ladko se seats par khade hokar ninty marne ko kehta hai uske kehte hi sabhi juniors apni seats par khade hokar ninty marte hain . Thodi der bad vo sabhi ko niche utarne ko kehta hai.
Ek senior jo thoda mota hai aur dekhne mein me awara sa hai ladkiyon ki line mein sabse piche jata hai jahan par do ladkiyan baithein hai . Dono ki najrein niche hai aur dono hi three pin kiye hue suit pehni hai. Senior unme se ek ldke ko uthne ke liye kehta hai . Ladke ke bal chote hai aur height acche hai. Senior usse puchta hai "tumhara naam kya hai?
"Priya Pathak "
Uske bad senior use utha deta hai aur uske bagal mein baithe hue ladki ko uthne ke liye kehta hai. Vo ladki bahut hi khoobsurat hai , uski aankhein hari hai , lambe kale bal hai. Senior us ladki se uska naam puchta hai ladki kehti hai " Sir mera naam Ananya hai "
Senior usse aur bhi bahut battein puchta hai . Dusre seniors bhi aur ladkiyon ki ragging lete rehte hai . Ek senior ek ladki ke pass jakar kehta hai " Wish wish ni karna kya aur ye kya pehna hai, kal se dhyan rakhna mix match pahen kar aana hai . Suit kisi aur colour ka dupatta kisi aur aur slvar kisi aur colour ka hai , samaj mein aaya ke nahi .
Ek senior ladkiyon ki row ke aage khade hokar kehta hai